SenwesMobile

Wat is SENWES.mobi?

SENWES.mobi is Senwes se gratis*, interaktiewe selfoondiens wat ‘n wye verskeidenheid inligting soos markpryse, weerinligting, daaglikse nuus en advertensies – om slegs ‘n paar te noem – in die palm van die gebruiker se hand plaas.
Senwes klante het ook die opsie om maklike toegang tot persoonlike inligting soos bv. rekeningstaat-, graanvoorraad- en graankontrakinligting, met behulp van Senwes se gebruikersvriendelike MySenwes-diens, te verkry.
Die gebruiker het nie nodig om deur lang keuselyste te soek om die relevante inligting te kry nie. Inligting is só gestruktureer om die gebruiker se soektog te fasiliteer om te verseker dat die gewensde inligting so spoedig moontlik gevind kan word.

SENWES.mobi streef na die spoedige en doeltreffende fasilitering van jou inligtingsbehoeftes – waar en wanneer jy dit benodig.

 Inligting
‘n Diverse verskeidenheid inligting is aan jou vingerpunte beskikbaar:

• Markpryse:
  • SAFEX
  • CBOT
  • KANSAS
  • Wisselkoerse
  • Olie & Metale
  • Groente
  • Vleis
• Weerinligting
• MySenwes (klante het toegang tot rekeningstaat-, graanvoorraad- en graankontrakinligting)
• Kontak-inligting van alle bedryfspunte en hul bestuurders
• Netads (advertensies)
• Gebruikte heelwerktuie
• Daaglikse nuus (insluitend Afrikaanse nuus) vanaf die volgende webdienste:
  - www.landbou.com
  - www.ofm.co.za
  - www.rsg.co.za
  - www.beeld.co.za
  - www.news24.com
  - www.mg.co.za
  - www.iol.co.za

Hoe verkry ek toegang tot SENWES.mobi?

Toegang tot SENWES.mobi kan via enige selfoon, wat internettoegang het, verkry word. Sleutel eenvoudig “www.senwes.mobi” in jou internet URL-venster in om hierdie eenvoudige bron van intydse inligting te benut. Ouer selfone moet eerder gebruik maak van “wap.senwes.co.za” om optimale nut te geniet.